Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

باوكی ئه‌و كچه‌ 7 ساڵه‌ی دەستدرێژیی کرایه‌سه‌ر: تاوانباره‌كان وازمان لێناهێنن

په‌یام

لە هەولێر گردبوونەوەیەک لەدژی ئازادکردنی بەکەفالەتی 3 تۆمەتبار ئەنجامدرا، کە تۆمەتبارن بە ئەنجامدانی دەستدرێژیی سێکسی بۆ سەر کچێکی تەمەن 7 ساڵ، باوكی ئه‌و كچه‌ ته‌مه‌ن 7 ساڵه‌یه‌ش ده‌ڵێت "تاوانباره‌كان وازمان لێناهێنن و دووباره‌ هه‌وڵیانداوه‌ كچه‌كه‌م بڕفێنن".

چەند یاساناس و چالاکوانێک لە گردبوونەوەکەی ئەمڕۆ (یەکشەممە، 23-6-2019)ـی بەردەم ئەنجوومەنی دادوەریی هەولێر بەشداربوون و چەندین دروشمی وەکو "هەولێر خوێنی لێدەچۆڕێت"، "تاوانباران مەشارنەوە" و تەرازووەکەی دادگا خوارە"ـیان بەرزکردبووەوە.

لەو گردبوونەوەیەدا لوقمان ئیسماعیل باوکی کچەکە قسەی بۆ رۆژنامەڤانان کرد و وتی "لە دوای جەژنەوە چاوەڕێی ئەوەم دەکرد ئەو تاوانبارانە بدرێنە دادگا، ئێستاش نەک هەر نەردراونەتە دادگا، بەڵکو ئازادکراون، ژیانی ئەو منداڵە لە مەترسیدایە، تاوانبارەکان هاتوونەتە سەرمان و دەرگایان شکاندووە بۆ ئەوەی دیسان منداڵەکەمان بڕفێنن، بۆیە ئەگەر بەزووترین کات ئەو تاوانبارانە نەگیرێن، ئەوا کارەساتی لێدەکەوێتەوە".

وتیشی "هه‌ر له‌سه‌ره‌تاوه‌ برای به‌رپرسێك هه‌ڕه‌شه‌م لێده‌كات بۆ ئه‌وه‌ی سكاڵاكه‌م بكشێنمه‌وه‌ و پێشی راگه‌یاندوم ئه‌گه‌ر سكاڵاكه‌م نه‌كشێنمه‌وه‌ هیچم بۆ ناكرێت و تۆمه‌تبارانیش ئازاد ده‌كرێن، ئێستا قسه‌كه‌ی ئه‌و هاتوەته‌ دی و تۆمه‌تباران ئازاد كراون".

 لەبەرامبەردا شەهرام میرحاج، بەڕێوەبەری راگەیاندن و نوێنەری سەرۆکی دەسەڵاتی ئەنجوومەنی دادوەری رایگەیاند "لێکۆڵینەوە لەسەر ئەو بابەتە دەستیپێکردووەتەوە، ئەو تۆمەتبارانە دووبارە دەستگیرکراونەتەوە، لێکۆڵینەوە لەو کەیسە بەردەوامە و تاوەکو لێکۆڵینەوەش تەواو دەبێت، دەبێت چاوەڕێ بکەین".

1234 جار خوێندراوەتەوە
23/06/2019

بابەتی زیاتر