Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

هەنار یەكێكە لە میوە زۆر بەسوودەكان كە نزیكەی 100 جۆر ماددەی سوودبەخش لە پێكهاتەیدا هەیە.

ئـــا/ نـــاز - ماڵپه‌ڕی نه‌خۆشخانه‌ی به‌خشین

هەنار یەكێكە لە میوە زۆر بەسوودەكان كە نزیكەی 100 جۆر ماددەی سوودبەخش لە پێكهاتەیدا هەیە.

لەهەزار ساڵ بەر لەئێستا هەنار وەك دەرمان و چارەسەر بۆ نەخۆشی یەكان بەكار هێنراوە . و لە ئێستاشدا توێژینەوەكان باس لە سوودە گرنگەكانی ئەم میوەیە دەكەن بەوەی كە یاریدەدەرێكی زۆر باشە بۆ ڕێگری كردن لە توشبوون بە شێرپەنجە , و هەروەها یارمەتی بەهێزكردنی سیستمی بەرگری لەش دەدات.

لێرەدا بەكورتی ئاماژە بەچەند سودێكی تەندروستی ئەم میوەیە دەكەین ,لەوانەش:

1.     دژەئۆكسانە: بەتایبەت شەربەتی هەنار بەباشترین دژەئۆكسان دادەنرێت لەنێو شەربەتە سروشتیەكانی تردا, و یارمەتی خانەكان دەدات بۆ پاراستنیان لەمەترسی توشبوون بە لەناوچوون.هەروەها توشبوون بە هەوكردن كەم دەكاتەوە.

2.     سەرچاوەیەكی باشی ڤایتامین C  یە : خواردنەوەی شەربەتی هەناری  فرێش بڕێكی باش لە پێویستی ڕۆژانەی جەستە بۆ ڤایتامین (C) دابین دەكات.

3.     ڕێگری كارە لە توشبوون بە شێرپەنجە: دەبێتە هۆی وەستاندن و كەمكردنەوەی گەشەی خانە شێرپەنجەییەكان.

4.     پارێزەرە لە توشبوون بە زەهایمەر: یاریدەی بەهێزكردنی بیر و یادگەی مرۆڤ دەدات وە لە توشبوون بە زەهایمەر دەیپارێزێت.

5.     بۆ دەزگای هەرس بەسوودە: شەربەتی هەنار دەبێتە هۆی كەمكردنەوەی هەوكردنی ڕیخۆڵەكان , و یاریدەی ئاسانكردنی كرداری هەرسكردنی خۆراك دەدات.

6.     دژەهەوكردنە: بەهۆی دەوڵەمەندی بەدژەئۆكسانەكان, دەبێتە هۆی كەمكردنەوەی مەترسی توشبوون بە هەوكردن .

7.     بۆ نەخۆشیەكانی دڵ بەسوودە: دەبێتە هۆی چالاككردنی سوڕی خوێن , هەروەها ڕێگە لە نیشتن و كۆبوونەوەی چەوری و ماددە زیانبەخشەكان دەگرێت لەناو دەمارەكانی خوێندا, و بەمەش مەترسی توشبون بە نەخۆشیەكانی دڵ كەمتر دەكاتەوە.

8.     بۆ هەوكردنی جومگە و ڕۆماتیزم: بەهۆی ئەوەی دژە هەوكردنە و دەبێتە هۆی كەمكردنەوەی مەترسی توشبوون بە هەوكردنی جەمگەكان و ڕۆماتیزم.

9.     بۆ بەرزە فشاری خوێن: ڕۆژانە خواردنەوەی شەربەتی هەناری سروشتی و فرێش یاریدەی دابەزاندنی بەرزەپەستانی خوێن دەدات.

10.   بۆ نەخۆشی شەكرە: وەك چارەسەرێكی نەخۆشی شەكرە بەكار دەهێنرێت , و ڕێژەی شەكر لەخوێندا كەم دەكاتەوە.

11.   سەرچاوەیەكی باشی پۆتاسیۆم و ڤایتامینەكانی ( B6و E و K  ) و  بۆتەندروستی جەستە بەسودە.

 

ئەوەی پێویستە ئاماژەی پێبدرێت ئەوەیە كە نابێت شەربەتی هەنار شەكری بۆ زیاد بكرێت, و پێویستە بە تازەیی ئامادەبكرێت و بخورێتەوە تا سودە تەندروستیەكانی ببەخشێت.

 

بەهیوای تەندروستی بۆ هەمووان.

706 جار خوێندراوەتەوە
14/06/2019

بابەتی زیاتر