Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

سعوودیە.. به‌فرۆكه‌ی بێفرۆكه‌وان هێرشكرایه‌ سه‌ر دوو وێستگه‌ی‌ نه‌وت


په‌یام


ئاژانسی ھەواڵیی فەرمی سعوودیە بڵاویکردەوە، خالید فالح وەزیری وزەی سعوودیە رایگەیاندووه‌: "ھێرشەکە بەرەبەیانی ئەمڕۆ سێشەممە ئەنجامدراوە".

سەبارەت بە زیانەکانی ھێرشەکەش وەزیری وزەی سعوودیە، خالید فالح رایگەیاند کە لە ئاکامی ھێرشەکەدا ئاگرێکی گەورە لە وێستگەی ژمارە ھەشت کەوتەوە، بەڵام تواندراوە ئاگرەکە بکوژێندرێتەوە کە زیانێکی زۆری بە وێستگەکە گەیاندووە.

کەناڵی مەسیرە سەربە حووسییەکان بڵاویکردەوە کە حەوت فڕۆکەی بێفڕۆکەوانی سەربە حووسییەکان ھێرشیانکردووەتە سەر ژمارەیەک وێستگەی نەوت لە سعوودیە.

خالید فالح راشیگەیاندووە کە سعوودیە ئیدانەی ئەو ھێرشە ترسنۆکانە دەکات و رایگەیاندووە "ئەم ھێرشە تیرۆریستییە و تێکدەرە لەگەڵ ئەو ھێرشانەی کە بەم دواییانە کرانە سەر چوار کەشتی لە نزیک ئاوەکانی ئیمارات، تەنھا سعوودیە بەئامانج نەکراوە".

وەزیری وزەی سعوودیە، خالید فالح ئەوەی وەبیرھێناوەتەوە کە جارێکی دیکە بەئامانجکردنی ھەناردەکردنی نەوت بۆ جیھان ئەوە دەردەخات کە گرنگە زیاتر ھەوڵەکان بۆ بەرەنگاربوونەوەی سەرجەم گرووپە تیرۆریستییەکان بخرێنەگەڕ لەنێویاندا میلیشیا حووسییەکان کە لە لایەن ئێرانەوە پشتیوانی دەکرێن.

ئەمەش لە کاتێکدایە رۆژی یەکشەممەی رابردوو، دوو کەشتی نەوت ھەڵگری سعوودیە لە میانی پەڕینەوەیان لە کەنداوی عەرەبی لە نزیک ئاوی ھەرێمی ئیمارات، رووبەڕی ھێرشێکی تێکدەرانە بوونەوە.


563 جار خوێندراوەتەوە
14/05/2019

بابەتی زیاتر