Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

نازم ده‌باغ: له‌ دوای ریفراندۆمه‌وه‌ په‌یوه‌ندی نێوان ئێران و پارتی زۆر به‌هێز بووه‌



په‌یام ـ ده‌نگی ئه‌مریكا


له‌ گفتووگۆیه‌كیدا له‌ گه‌ڵ ده‌نگی ئه‌مریكا، كه‌ ژیار محه‌مه‌د له‌ گه‌ڵیدا ئه‌نجامیداوه‌، نازم ده‌باغ نوێنه‌ری حكومه‌تی هه‌رێم له‌ تاران رایده‌گه‌یه‌نێت: تاك به‌تاكی لایه‌نه‌ سیاسیه‌كانی هه‌رێم، په‌یوه‌ندییان له‌گه‌ڵ ئێران هه‌یه‌، هه‌روه‌ها ده‌شڵێت: ئەو پەیوەندییە بەهێزەی لەدوای ریفراندۆم لە نێوان ئێران و پارتی دیموکراتی کوردستان هەیە، ئەگەر لە پەیوەندی یەکێتی و ئێران زیاتر نەبێت کەمتر نییە".

لەسەرەتای گفتووگۆكه‌دا، نازم دەباغ ده‌ڵێت:" من پێم وانیە ئێران راستەوخۆ دەستی وەردابێتە پێکهێنانی کابینەی نوێی حکومەتی هەرێم، بەڵام وەک وڵاتێکی دراوسێ پێی خۆشە سەقامگیری لە هەرێم و عیراق هەبێت و تەبایی لەنێوان لایەنە سیاسیەکاندا هەبێت، بۆیە ناڕاستەوخۆ پەیامەکانی ئەوەی تیادایە هەرچی زووترە ئارامی و رێککەوتن دروست بێت لەقازانجی هەموو لایەکدایە راستەوخۆ نەبووە، بەڵام پەیوەندی لەگەڵ لایەنە سیاسیەکان خوێندنەوەی من ئەوەبووە بەشێوەیەکی ناڕاستەوخۆ بووە".

لەوەڵامی ئەو پرسیارەی پەیامە ناڕاستەوخۆکانی ئێران چی بووە بۆ لایەنە سیاسیەکان؟
دەباغ وتی:"پێکهێنانی حکومەتی هەرێمی کوردستان، رێزگرتن لەسەروەرییەکانی خۆیان و کاریزماکانی خۆیان، هەرچی زووترە بتوانن لەچوارچێوەی ئەو بەرنامە و پڕۆژانەی کەهەیە بەشداربن لەبەڕێوەبردنی کوردستان و حکومەت، خۆشبەختانە ئێستا ئەوەی گوێمان لێی دەبێت هەرسێ لایەنە (پارتی- یەکێتی، هەروەها گۆڕان) خەریکە دەگەنە رێککەوتن بۆ ئەوە بەزووترین کات حکومەتی نوێی هەرێم پێکبێت، ئێستا ئەوەی دەبینرێت ئەم سێ لایەنە پێکهاتون لەسەر پێداچوونەوە بەیاساکان و دابەشکردنی پۆستەکان ئێران نەهاتوه‌وتە ناو بابەتە بەو لایەنانە بڵی تۆ بیکە یا تۆ مەیکە بەڵکو پەیامی خۆی لە بۆنەکاندا دەگەیەنێتە لایەنەکان کە یەک ڕیزبن چونکە لەم قۆناغەدا ئارامی هەرێمی کوردستان لەبەرژەوەندی ناوچەکە و ئێران دایە".

نوێنەری حکومەتی هەرێمی کوردستان ئەوەشی وت: "بەدرێژایی مێژووی پەیوەندییەکان تا ئێستا ئێران شاندی راستەوخۆی نەبووە، بەڵام لە رێگای قونسڵگەری و سەردانی هەندێک لەبەرپرسان بۆ عیراق و هەرێم یا کە پەیوەندی دەکەن ئەو پەیامانە دەگەیەنرێت کە ئەوان لەگەڵ ئاشتی و ئارامی و تەبایی و رێککەوتنی لایەنە سیاسیەکانن لەهەرێمی کوردستان".

دەربارەی رای کۆماری ئیسلامی ئێران لە ئەگەری دروستبوونی دوو ئیدارەیی لە هەرێمی کوردستان؟ نازم ده‌باغ وتی: "ئێمە بۆ بگەڕێینەوە بۆ ئەگەرێک کە رووینەداوە و لەقازانج نیە، هەروەها یەک پارچەیی کوردستان و یەک حکومەتی لەکوردستان رێککەوتنی لەسەر کراوە کەلەکاتێکدا باسی کۆماری ئیسلامی ئێران دەکەین کەدەڵێین لەگەڵ یەک پارچەیی و یەک حکومەتی هەرێمی کوردستانە، ئەوا لەناوەڕۆکدا دوو ئیدارەیی و سێ ئیدارەیی رەتدەکاتەوە ئەگەرنا بۆی هەبوو لەقازانجی بوایە پشتیوانی ئەو لایەنانەی دەکرد کە باسی دوو ئیدارەییان دەکرد، ئەمە بە دوو ئیدارەیی نەدەوەستا بەڵکو دەبووە چوار ئیدارە بەپێی یاسای پارێزگاکان، بەڵام کۆماری ئیسلامی ئێران پشتیوانی لە هەرێمی کوردستان دەکات لەچوارچێوەی دەستووری عیراقی فیدراڵ".


دەربارەی دەنگۆی ئەوەی دەوترێت رۆژی کۆبونەوەی ئەنجومەنی سەرکردایەتی یەکێتی کە رایگەیاند لەگەڵ پارتی گەیشتنە رێککەوتن پێشتر وەفدێکی ئێرانی لەسلێمانی بووە بۆ گفتوگۆکردن لەگەڵ یەکێتی؟

نازم دەباغ وتی: "ئێستا جوڵە دیبلۆماسیەکان لە عیراق و هەرێمی کوردستان زۆرە، وەفدی ئەمریکی سەردان دەکەن، وەفدی ئێرانی بە دڵنیایی یەکێک لەتەوەرە گەرمەکانی قسەی لەسەردەکرێت بابەتی پێکهێنانی حکومەتە هەرکەس قسەیەکی خێری پێ بکرێت بۆ ئەوەی لایەنەکان بگەنە رێککەوتن بەدڵنیایی دەیکەن".

نوێنەری حکومەتی هەرێمی کوردستان ئەوەشی وت: "بەداخەوە هەمیشە (فۆکس-ەکە) لەسەر یەکێتیە ئەگەرنا ئەو پەیوەندییە بەهێزەی لەدوای ریفراندۆم لەنێوان ئێران و پارتی دیموکراتی کوردستان هەیە ئەگەر لە پەیوەندی یەکێتی و ئێران زیاتر نەبێت کەمتر نیە، هەروەها لەگەڵ گۆڕاندا، پەیوەندییەکان لەدوای ریفراندۆم لەگەڵ ئێران ئاسایی بوه‌تەوە، ئێران پەیوەندی تاک بەتاکی لەگەڵ هەموو لایەنە سیاسیەکانی هەرێم هەیە، هەربۆنمونە سەیری پێکهاتەی حکومەتی هەرێمی کوردستان بکە لە تاران پێکهاتووە لە نوێنەری لایەنە سیاسیەکان لە کۆماری ئیسلامی کەبریتیە لە (پارتی، یەکێتی، یەکگرتوو، کۆمەڵ، بزوتنەوەی ئیسلامی، سۆسیالیست) جگە لەپەیوەندی "لابەلایی" لەگەڵ گۆڕان و زەحمەتکێشان هەتا ئێستا لە هەوڵدان بۆ پەیوەندی لەگەڵ هاوپەیمانی، ئیتر بۆ بەتەنها لەگەڵ یەکێتی".

هەروەها وتی: "لەبابەتی پێکهێنانی حکومەت بەپێی ئەوەی پارتی حزبی براوەی هەڵبژاردنە، ئێران بەپلەی یەکەم لەپارتیەوە دەستی پێکردووە بۆ پەیوەندی کردن بەڵام نە هی پارتی کەمترە لە یەکێتی نە پەیوەندی یەکێتی لەگەڵ ئێران لە هی پارتی زۆرترە، هەموو لایەنە سیاسیەکانی هەرێمی کوردستان هەرچی تۆ ناوی دەهێنی هەرچی ناوی هەیە هەمووی لەپەیوەندیدایە لەگەڵ کۆماری ئیسلامی ئێران".

ئەو لایەنە سیاسیانەی هەرێم خۆیان هەوڵی پەیوەندی دەدەن لەگەڵ ئێران یا ئێران خۆی هەوڵدەدات پەیوەمدی بەو لایەنانەوە بکات؟

نازم دەباغ وتی: "هەردوولایان هەوڵدەدەن، ئەگەر یەکێتی، یا پارتی، زەحمەتکێشان، گۆڕان، یا هەرکام لەو لایەنانەی کە هەیە خۆیان قبوڵیان نەبێت ئێران دەتوانێت بچێتە لایان، ئەسڵەن  حکومەتی هەرێمی کوردستان لەدەرەوەی ئەو پەیوەندییەی لایەنە سیاسیەکانی هەرێمە لەگەڵ کۆماری ئیسلامی ئێران".

لە وەڵامی ئەو پرسیارەی کە ئایا لەدەرەوەی نوێنەرایەتی حکومەتی هەرێم لایەنە سیاسیەکانی هەرێمی کوردستانی عیراق بەجیا پەیوەندییان لەگەڵ ئێران هەیە؟ نوێنەری حکومەتی هەرێمی کوردستان لە تاران وتی: "نەک لەدەرەوە ئەسڵەن حکومەتی هەرێمی کوردستان لەدەرەوەی ئەو پەیوەندییەی لایەنە سیاسیەکانی هەرێمە لەگەڵ کۆماری ئیسلامی ئێران، واتە لایەنە سیاسیەکان پەیوەندی ئەساس-ین لەناو نوێنەرایەتی حکومەتی هەرێمی کوردستان".

نازم ده‌باغ له‌باره‌ی هۆكاری ئه‌وه‌ی بۆچی په‌یوه‌ندی لایه‌نه‌ سیاسیه‌كان به‌جیا له‌ده‌ره‌وه‌ی نوێنه‌رایه‌تی حكومه‌تی هه‌رێم له‌گه‌ڵ ئێران به‌ جیا جیا "وه‌ك خۆت وتت، تاك تاك" هه‌یه‌، ناوبراو وتی: "هۆکاری ئەوە دەگەڕێتەوە بۆ سەرەتای پەیوەندییەکان، بەداخەوە تا ئێستا لایەنە سیاسیەکان هەوڵیان نەداوە یەک نوێنەر هەبێت بەناوی هەموو لایەنە سیاسیەکان، من نوێنەری هەموو لایەنە سیاسیەکان نیم، من نوێنەری حکومەتی هەرێمی کوردستانم لە پشکی یەکێتی".


312 جار خوێندراوەتەوە
29/04/2019

بابەتی زیاتر