Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

بەم رێنماییانە پێویستە ئاگات لە گورچیلەکانت بێت


لە نەخۆشخانەی بەخشین وەرگیراوە


بەردی گورچیلە وەك ئاشكرایە نەخۆشی یەكی بە ئازارە، بەڵام یەكێكە لەو نەخۆشیانەی كە دەكرێت ڕێگە لە توشبوونی بگیرێت، بە پەیڕەوكردنی سیستمێكی تەندروست بۆ ژیان و جێبەجێكردنی رێنمایییە تەندروستییە پێویستەكان، لێرەدا ئاماژە بەچەند ڕێنماییەك دەدەین:




1. ئاوخواردنەوە: خواردنەوەی بڕی پێویستی رۆژانەی ئاوی خاوێن، یارمەتی پاراستنی گورچیلەكان دەدات لە توشبونیان بە كێشەی تەندروستی،  ئاوخواردنەوەی زۆر دەبێتە هۆی ڕێگریكردن لە مانەوەی ئەو ماددانەی كە دەبنە هۆی دروستبوونی بەرد لە گورچیلەدا، بۆیە پێویستە ڕۆژانە لانی كەم 2 لیتر ئاو بخورێتەوە، وە دەتوانرێت ئاوی لیمۆ و پرتەقاڵ و میوە ترشەكانیش بخورێتەوە، كە سودیان دەبێت بۆ رێگری كردن لە دروستبوونی بەردی گورچیلە.

2. وەرگرتنی بڕی پێویستی كالیسیۆم و ڤایتامین D: كەمی بڕی پێویستی كالیسیۆم لە لەشدا، دەبێتە هۆی دروستبوونی بەردی گورچیلە، بۆیە پێویستە بڕی پێویستی ئەوخۆراكانە بخورێن كە دەوڵەمەندن بە كالسیۆم، وەكو (پەنیر، ماست، سەوزە گەڵادارەكان، فاصۆلیا، نیسك .. هتد)، كە دەبێت ڕۆژانە  1000 ملگم بێت، وەپێویستیشە بڕی پێویستی ڤایتامین D وەربگیرێت، بۆ ئەوەی یارمەتی كالسیۆم بدات لە لایەن لەشەوە وەربگیرێت، ئەویش دەبێت رۆژانە (800-1000 IU) بێت.

3. كەمكردنەوەی سۆدیۆم: وەرگرتنی بڕی زیاد لە پێویست لە سۆدیۆم، دەبێتە هۆكار بۆ دروستبوونی بەردی گورچیلە، بۆیە پێویستە ئەو خۆراكانە كەمتر بخورێن كە بڕێكی زۆر سۆدیۆمیان تێدایە، وەكو خۆراكە سوێرەكان، خۆراكە لە قوتونراوەكان. 

4. كەمكردنەوەی پرۆتینی ئاژەڵی: خواردنی ئەو خۆراكانەی بڕی زۆر پرۆتینیان تێدایە وەكو (گۆشتی سور، هێلكە، خۆراكی دەریایی .. هتد) دەبنە هۆی زیادبوونی ئاستی (uric acid) كە دەبێتە هۆی دروستبوونی بەردی گورچیلە، بۆیە پێویستە هەوڵبدرێت لە سیستمی خۆراكی ڕۆژانەدا، ئەو خۆراكانە زۆر كەمبكرێنەوە و  زۆر بەكەمی بخورێن.

5. دووركەوتنەوە لەو خۆراكانەی بەرد دروست دەكەن: هەندێك خواردن و خواردنەوە هەن، كە ئەگەر بە بڕی زۆر بخورێن، ئەوا دەبنە هۆكار بۆ دروستبوونی بەردی گورچیلە، لەوانەش  چەوەندەر، سپیناغ، قاوە، چا.. هتد، ئەگەر كەسێك  بەردی گورچیلەی هەبێت، ئەوا پزیشك ڕێنمایی دەكات كە واز لەم جۆرە خواردن و خواردنەوانە بهێنێت، یاخود كەمیان بكاتەوە.
 
6. ڕاگرتنی كێشی هاوسەنگی لەش: زۆربوونی كێشی لەش دەبێتە هۆی دروستبوونی مەترسی بۆ تەندروستی لەش بەگشتیی، وە دەبێتە هۆی زیادبوونی فشار بۆ گورچیلەكان و زیانیان پێدەگەیەنێت، هەروەها ئەگەری دروستبوونی بەردی گورچیلە زیاد دەكات.

7. دووركەوتنەوە لە خواردنەوە شیرینەكان:  ئەو خواردنەوانەی كە شەكر لە پێكهاتەیاندا هەیە، بەتایبەت شەكری فرەكتۆز، دەبنە هۆكار بۆ دروستبوونی بەردی گورچیلە، بۆیە پێویستە واز لەو خواردنەوانە بهێنرێت و لە جیاتی خواردنەوەی سروشتی بەكاربهێنرێت.

 

به‌ په‌یڕه‌وکردنی ئه‌م ڕێنماییانه‌، ده‌توانرێت تاڕاده‌یه‌کی باش گورچیله‌ له‌ مه‌ترسی توشبوون به‌ کێشه‌ ته‌ندروستییه‌کان به‌گشتیی و به‌ردی گورچیله‌ به‌تایبه‌تی، بپارێزرێت.

 

سەرچاوە: وێب سایتی سكوڵی پزیشكی زانكۆی هارڤارد

998 جار خوێندراوەتەوە
18/03/2019

بابەتی زیاتر