Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

بەرپرسی ناوەندی هەڵبژاردنی كۆمه‌ڵ روونكردنه‌وه‌یه‌كی له‌سه‌ر ئه‌نجامی ده‌نگدان بڵاوكرده‌وه‌


په‌یام 

هاوژین عومه‌ر، بەرپرسی ناوەندی هەڵبژاردنی كۆمه‌ڵ روونكردنه‌وه‌یه‌كی سەبارەت بە ئەنجام و ژمارەی دەنگی پاڵێوراوان بڵاوكرده‌وه‌ و رایگه‌یاندووه‌  تا ئەم ساتەوەختەش هیچ فۆرمێکی پاڵێوراوان و ژمارەی دەنگەکانیان جیا نەکردۆتەوە. 

ئاماژه‌ی به‌وه‌شداوه‌: ئێمە بەردەوام لەسەر خەتین لەگەڵ کۆمیسیۆنی هەڵبژاردنەکان و سەنتەری داخڵکردنی داتا و ئامارەکان، ئەوان تا ئەم ساتەوەختەش هیچ فۆرمێکی پاڵێوراوان و ژمارەی دەنگەکانیان جیا نەکردۆتەوە و داخڵ نەکردووە، ئەوان تا ئێستاش سەرقاڵی داخڵکردنی ئەنجامی قەوارە و لیستەکانن، بە مەبەستی ڕاگەیاندنی ئەنجامی بەرایی دەنگەکان لە زووترین کاتدا.

راشیگه‌یاندووه‌: هەر ئەنجامێک کە تا ئێستا بڵاوکراونەتەوە، ئەنجامی بازنەیەکی بچووک، یان جوگرافیایەکی سنووردار بوون و سەرتاسەریی نین، هەربۆیە نابێت بە مایەی دەرچوون، یان شکستی پاڵێوراوێکیان بزانین.

جه‌ختیشی كردووه‌ته‌وه‌: هەرێمی کوردستان هەمووی یەک بازنەی هەڵبژاردنە، واتە دەنگی کاندید و لیستەکان لە شاری زاخۆوە تا شاری کفری ڕۆڵی خۆیان دەبینن.. ئەگەر پاڵێوراوێک لە ناوچەیەکی دیارییکراو کەمی هێنا بوو، یان زۆر، مەرج نییە لە سەرتاسەری هەرێمیش دەنگەکانی بەوشێوەیە بن، ئەنجامی کۆتایی و زانستییانە ئەوەیە کە سەرتاسەریی دەبێت. هەربۆیە ئەوەی دەیەوێت لە دەنگی ڕاستەقینەی خۆی دڵنیابێت، پێویستە گوێ بەو ئەنجامە لۆکاڵییانە نەدات و وانەزانێت لە ئێستاوە دەرچووە، یان بە پێچەوانەوە، بەڵکو پێویستە چاوەڕوان بێت تا کۆمیسیۆن ئەنجام و ناوی کاندیدان بڵاو دەکاتەوە.

هاوژین عومه‌ر ئه‌وه‌یشی وه‌بیرهێناوه‌ته‌وه‌:  ئێمەی پاڵێوراوان پەیمانمان داوە، سەربکەوین یان نا، لە هەر پێگە و پۆستێکدا بین، ئامانجمان خزمەتکردن و ڕووبەڕووبوونەوەی ستەم و گەندەڵی و ناعەدالەتییەکانە، ئەم کارەش تەنها پێویستی بە پەرلەمانتاربوون نییە، بەڵکو دەتوانرێت لە هەموو جومگە و کایەیەکدا پەیڕەو بکرێت. ئێمە ئەگەر متمانەی دەنگدەرانمان بەدەست بهێنین یان نا، سەربازێکی دڵسۆز و بەوەفای ڕابوون و پڕۆژەی ئیسلامیی و کۆمەڵی ئیسلامیی کوردستان دەبین، سەرکەوتنی بەرچاوی لیستی ١٩٤ی کۆمەڵ، سەرکەوتنی هەموومانە و شانازیی پێوە دەکەین.


3035 جار خوێندراوەتەوە
03/10/2018

بابەتی زیاتر