داخستن
بەرنامە کاتی پەخش دووبارە
هەواڵى سياسى 10:00 + 12:00 + 14:00 + 17:00 + 18:00 + 19:00 + 20:00 + 22:00 + 23:00 + 23:45
هەواڵی وەرزشی 10:30 + 13:00 شيكارى وەرزشی + 18:30 + 23:30
ئەمرۆ 10:10 شەو، جگە لە رۆژانی هەینی 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان
بەیانی 3:17
نیوه‌ڕۆ 12:17
عه‌سر 4:05
ئێواره‌ 7:29
خه‌وتنان 8:44

موسڵ .. ژمارەی ئاوارەكانی گەیشتە ١٧٣ هەزار كەس




ستار نەورۆز، وتەبێژی وەزارەتی كۆچ و كۆچبەرانی عێراق،رایگەیاند: كە ژمارەی ئاوارەكان بەرزبووەتەوە و گەیشتووەتە، ١٧٣ هەزار و٥٨٤ كەس.

لە بەیاننامەیەكدا كە وەزارەتی كۆچ و كۆچبەران بڵاوی كردووەتەوە، ئاماژەی بەوە داوە كە: ئەمڕۆ تیمی وەزارەتەكەیان پێشوازیان لە دوو هەزار و ٣٢٠ كەس كردووە كە لە ناوچەكانی حەویجە سەربە پارێزگای كەركووك و ناوچەکانی تەل عەبتە، قوسیات، تلكێف و قەراج لە سنووری پارێزگای نەینەوا و گەڕەكانی سۆمەر، نەبی یونس، فەڵەستین و غەفران لە شاری مووسڵ ئاوارە بوون.

وتەبێژەكە ئاماژەی بەوەشدا كە لە سەرەتای دەستپێكردنی ئۆپەراسیۆنی كۆنتڕۆڵكردنەوەی مووسڵ، ژمارەی ئاوارەكان گەیشتووەتە، ١٧٣ هەزار و ٥٨٤ كەس.

وتەبێژەكەی وەزارەتی كۆچ و كۆچبەران راشیگەیاندووە كە ئەو ئاوارانە گواستراونەتەوە بۆ كەمپەكانی لەیلان لە پارێزگای كەركووك و شەهامە سەربە ناحیەی عەلەم لە پارێزگای سەڵاحەددین و خازر رۆژهەڵات و دیبەگە باشووری رۆژهەڵات و جدعەی سێ سەربە ناحیەی گەیارە لە باشووری مووسڵ و كەمپی نەرگزلی سەربە پارێزگای دهۆك.

ناوبراو باسی لەوەشكرد كە تیمی وەزارەتەكەیان یارمەتی مرۆیی و خۆراكیان بەسەر ئەو ئاوارانەدا دابەشكردووە.

518 جار خوێندراوەتەوە
11/01/2017

بابەتی زیاتر