Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

كاك قوباد ئەم كاتەت باش

مەعروف مەجید

مەعروف مەجید


هەرچەندە دڵنیام كەمێك سەرقاڵی، دووبارە وەرگرتنەوەی پۆستی جێگری سەرۆكی حكومەت و باسی چەند بەرنامەیەك لە مانگی ڕەمەزان. ئاخر ئێستا باس باسی خواردن و وەرزشكردن و خواردنی كەبابی تۆیە، لەسەر ئەمە ناتوانم زیاتر بڵێم، چونكە دەچێتە چوارچێوەی ژیانی كەسیتەوە، با نەڵێن تەشهیری كردووە.

لە هەمان كاتدا كارێكی ترت دڵخۆشی كردم. لەم ماوەیەدا دوو جار لەگەڵ وەزیرانی ناوخۆ و ئاوەدانكردنەوە و شارەوانی كۆبوویتەتەوە، بە مەبەستی چارەسەركردنی گرفتی ڕێگاوبانەكان، ئەمەیان باسی كەبابخواردنەكەتی لە بیرم بردەوە. كەمێك ئومێدم بۆ گەڕایەوە كە كەسانێك هەن لە خەمی ئەو كێشەیەدان.
من وەكو هاووڵاتییەكی ئەم كوردستانە، بە تایبەتی ناحیەی ئاغجەلەر، دەمەوێ كارێكت بیربخەمەوە كە چەند مانگێك پێش ئێستا ببووە مایەی دڵخۆشیی خەڵكی سنوورەكە، ئەویش بڕیارێكی بەڕێزتان بوو، خۆ پێدەچێ ئێستا خۆت نەزانی كام بڕیارەیە، لەبەر ئەوەی ماشاالله بڕیارگەلێكت هەن، بەڵام سستی لە جێبەجێكردنیان، بە تایبەتی قەدەری ئەم وڵاتەی ئێمەش وایە، زۆرترین بەڵێنەكان لە كاتی بانگەشەكانی هەڵبژاردندا دەدرێن.

بەڕێز مامی بچووك، لە بیرتە ڕۆژێك پێش هەڵبژاردنەكان هاتی بۆ سنووری ناحیەی ئاغجەلەر، ئەو كاتەش بەندە چەند دێڕێكم نووسی كە ئەمە بەشێكی ئەو نووسینەیە. تكایە خاوەنشكۆ لێرەوە مەڕۆ. دڵنیام تا ئێستا نەتزانیوە، ئەم مەملەكەت یەكێكە لە گەورەترین برینەكانی ئەم نیشتمانە. لێرەوە تێمەپەڕە، كە نازانی تەنانەن ئەم ناوچەیە ناوی چییە، ئەگەر نا، 480 ئەنفالكراوی جەلەمۆرد و سەدان شەهیدی گوپتەپە، دوای زیندەبەچاڵكردنیشیان، ئەم مەملەكەتەیان جێهێشت. خەڵكانێك ئەم نووسینەی منیان بەدڵ نەبوو، من ناڕاستەوخۆ باسی تۆم كرد، بەڵام دەیان وت ئەو ڕێگەیە بە زووترین كات چارەسەر دەكرێ.
بەڕێزم ئێستا دوای تێپەڕبوونی نزیكەی هەشت مانگ بەسەر هەڵبژاردنەكاندا، نەك كارەكە جێبەجێ نەكراوە، كەسیش (حیساب) بۆ نوسراوەكەی جەنابتان ناكات (ئەگەر بەو قسەیەم نیگەران نابی)، كە لە بەرواری، 30/7/2018 ئاماژەت بەوە داوە ڕەزامەندی بە سەرفكردنی بڕی (سێسەدو شەست سێ ملیۆن) هەندێ پارەی تر. من دەمەوێ ئەوە لە بەڕێزتان بپرسم؟ ئایا هۆكاری چی بوو ئەو كات سەرەڕای قەیران و گرفتی دارایی هەرێم، پارە هەبوو بۆ سەرفكردن، كە دڵنیام ئەگەر نەبوایە وەعد و پەیمانت نەدەدا، یان لایەنی كەم بڵاوت نەدەكردەوە، ئێستا حكومەت خۆی دەڵێت كە قەیران كۆتایی هاتووە، دوای ئەو ماوە زۆرە بۆچی ئەو پڕۆژەیە جێبەجێ ناكرێت؟!

من لە ماوەی ڕابردوودا ئاگادارم، هەر لە قایمقام و ناحیە و ڕێگاوبان و شارەوانی و چەندین فەرمانگەی تر، هەوڵیان داوە، بەڵام بە داخەوە بێ ئاكام بوون. من دەمەوێ ڕاستییەكی تاڵیش باس بكەم، بەو پێیەی سنووری سلێمانی حكومەتەكەی بنكە فراوانە، لای بەشێك لە هاووڵاتیان جێبەجێنەكردنی ئەو پڕۆژەیە بە هۆكاری سیاسی دەزانرێت، هەرچەندە من لەو باوەڕەدا نیم %100 وا بێت، لەبەر ئەوەی تەنها سنوورەكەی ئێمە نییە ڕێگاكانی وێران بووبێتن. ئاوا بڕوات ڕێگاكانی سنووری سلێمانی هەموو وای لێ دێت.
كاك قوباد، دەزانی هەر ئەو كەمتەرخەمییانەیە وای كردووە كە چەندین نوكتە و كاریكاتێر و ڕاپۆرتی ڕۆژنامەوانی، تەنانەت ئەم بابەتەی منیش، بنوسرێن، كە یەكێك لەوانە بەڕێزتانن. من نازانم كوردستانێك كە هاووڵاتییەكی نییە قوربانیی بۆ شۆڕشەكەی نەدابێ، لەكاتی دەسەڵاتی كوردیشدا چەندین مەینەتی و كێشە و گرفت بۆ هاووڵاتیان دروست بوو، كە بەشێكی هۆكاری دەرەكی بوون، بەڵام بەشێكی زۆریشی ناوخۆیی بوون، ئایا دەبێ بەم شێوەیە پاداشتیان بدرێتەوە؟! بە تایبەتی سنووری ناحیەی ئاغجەلەر و قەڵاسێوكە و شێخ بزێنی.

كاك قوباد ئەوەت زانیوە، هەفتەی پێشوو یادی كیمیاییبارانكردن و ئەنفالكردنی گوندەكانی سنووری ئێمە بوو، كە بە داخەوە جەنابیشت ئامادە نەبووی. خۆزگە وەكو كاتی هەڵبژاردنەكان كە بۆ زۆرترین شوێن دەچووی، بۆ ئەمەش بهاتیتایە. من تەنیا بیرت دەهێنمەوە، تەنیا لە گوندی جەلەمۆرد نزیكەی 500 هاووڵاتی بێتاوان ئەنفال كران، لە گوندی گۆپتەپە زیاد لە 500 هاووڵاتی بە چەكی كیمیایی شەهید كران و دواتریش ئەوانەی ڕزگاریان بوو، ئەنفالكران، سەرەڕای گوندەكانی عەسكەر و گەڵناغاج و دەیان گوندی تر. من دەمەوێ ئەوەت پێ بڵێم: ئاخۆ خاوەنی ئەو هەموو قوربانی و داستانانە، شایەنی ئەوە نین، 10 كلیۆمەتریان بۆ قیرتاو بكرێت؟! سنوورێك چەندین سەركردەی تێدا هەڵكەوت و بوونە قوربانی، كە خۆت باش دەیانناسی، پێویست بە ناو هێنان ناكات.

من داواكارییەكم هەیە لە بەڕێزتان، وەكو پەیمانێك كە دات بە خەڵكی سنورەكە، یا لە نزیكترین كاتدا پڕۆژەكە بچێتە بواری جێبەجێكردنەوە، یان بە نووسراوێك ئەو بڕیارەی پێشووت هەڵبوەشێنەوە.

584 جار خوێندراوەتەوە
15/05/2019

هەموو وتارەکانی ئەم نوسەرە