Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

گـەمـارۆدانـى وڵاتـان لـە مـێـژووى ئـەوروپـادا

رێبوار حسێن


مێژووى وڵاتانى ئەوروپا پێش ئەوەى واز لە شەڕى نێوخۆى یەکتر بهێنن پریەتى لە گەمارۆدانى یەکترى بۆ شەکەتکردن و هێنانە ژێر بارى ئەو خواستەى وڵاتى بەرامبەر دەیەوێ، لەو سۆنگەوە تەنها دوو سەربوردەى مێژووى باس دەکەم لە مێژووى ئەوروپا.

یەکەم : فەرەنسا لەسەردەمى ناپلیۆن پۆناپارت ویستى زەڕبەیەکى ئابورى لە وڵاتى بەریتانیا بدات بۆیە وتى هەرکەسێک کاڵاى بەریتانى بهێنێ کەشتیەکەى دەسوتێنم و هەردوکانێک بیفرۆشێ کەلوپەلەکانى دەسوتێنم و سزاى دەدەم، بەڵام بەریتانیا نەک هەر پێى سەغڵەت نەبوو بەڵکو ڕایگەیاند هەرکەسێک شتومەک بە فەرەنسا بفرۆشێ ئەوا سزا دەدرێت، ئەو ڕوداوە بە گمارۆدانى کیشوەرى ناسراوەو تێیدا بەریتانیا سەرکەوت و فەرەنساو هاوپەیمانەکانى شکستیان هێنا.

دووەم: بەریتانیا ویستى ئێرلەندا ناچار بکات دان بەو خواستانەدا بهێنێ کە بەریتانیا دەیەوێ بۆیە گەمارۆى خستە سەرو لەبەر ئەوەى بەریتانیا وڵاتێکى پێشەسازى بوو، ئێرلەنداش کستوکاڵى بوو بۆیە هەردولا پێویستیان بەیەکتر بوو بۆیە دواجار هەردولا ناچاربوون لە پێناوى دەستکەوتنى بەرهەمى یەکتر واز لە گەمارۆدانى ئابورى بهێنن.

لەو کاتەدا ئەمریکا دەیەوێ چۆک بە ئێران و تورکیادا بهێنێ، دەبێ ئەوە بزانین ئەمریکا وڵاتى ئێران لەبەر چەکى ئەتۆمى سزا نادات و تورکیاش لەسەر قەشەیەک سزا نادات، بەڵکو زۆر شتى نهێنى و گەورەتر هەیە ئەمریکا دەیەوێ لەو ڕێگەیە خواستەکانى بەدى بهێنێ، بەڵام ئەوەى لە سیاسەتى ئێران و تورکیا بەدى دەکەم سیاسەتى ڕوبەروبونەوەى تورکیا بەهێزتر دێتە پێشچاو وەکو چۆن فەرەنسا نەیتوانى چۆک بە بەریتانیا دابدات، ئاواش دەبینم تورکیا ڕەدى پێچەوانەى هەیە بۆ کەلوپەلى ئەمریکى و هەرئەوەش وایکرد هەر ئەمڕۆ لیرەى تورکى بەرزبێتەوەو دۆلار دابەزێ.

هەر ئەوەندە ماوە بڵێم شەڕى ئابورى ڕوویەکى بەهێزە بۆ دژایەتى میللەتان ئەگینا لە پەناى شەڕى ئابوری، شەڕى سیاسى و کۆمەڵایەتى و فەرهەنگى و ئایدۆلۆژى و چەندان شەڕى تر خۆیان حەشارداوەو ئەوەى لە دڵى وڵاتانى ئەوروپاو ئەمریکادا هەیە زۆر زیاترە لەوەى لەسەر زوبان لێیان دەبیستین.

459 جار خوێندراوەتەوە
16/08/2018

هەموو وتارەکانی ئەم نوسەرە