Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

ئیسلام‌ و پێكەوەژیان

دیاری محه‌مه‌د


گەیاندنی پەیامی ئیسلام پێش ئەوەی بەگوفتار بێت پێویستە بەكردەوە بەرجەستە بكرێت‌و كارەكتەرەكانی نمونەیەكی بەرزی ناو كۆمەڵگا بن، هەندێجار لەمەدا بانگخوازەكان دەكەونە هەلًەوەو هەموو ئاین لەوتاردا كۆدەكەنەوەو خۆیان لەبەشێكی زۆری كۆمەڵگا دادەبڕن، بەڵام ئەگەر سەیری مێژووی زێڕینی ئیسلام بكەین زاناو پێشەواكان توانیویانە بەكردەوە بچنە ناو خەڵكەوەو بەهەڵسوكەوتی جوانیان پەیامی ئاینەكەیان بگەیەننە سەرجەم مرۆڤایەتی لەشوێنە جیاوازەكانی جیهان.

پەیامی ئیسلام بریتیە لەبانگكردنی خەڵكی بۆ دادپەروەری‌و خۆشگوزەرانی‌و هەوڵدان بۆئەوەی خەڵكی رێنمونی وەربگرن، بەڵام لەپاڵا ئەمەشدا هەندێك كەس نایانەوێ‌ ئەو پەیامە وەربگرن، یان گوێ ناگرن، یان توانای ئێمە ناگاتە ئەو ئاستەی متمانەیان بۆ دروست بكەین، یاخود رەفتارەكانی خۆمان رێگرن لەوەی كەسانێك بە وتەكانمان بڕوا بكەن.

لێرەوە دەبێت ئێمە قوڵتر بیربكەینەوەو جۆرە مامەڵەیەكی ترمان هەبێت بۆ ئەم كەسانە، دەبێت بیركردنەوەو كاركردنی ئێمە لەڕوانگەی دڵسۆزیەوە بێت بۆئەوان نەك رق و تۆڵەكردنەوەو بەچاوێكی تر تەماشاكردن، یان پەراوێزخستنی چین‌و توێژێكی بەرفراوانی كۆمەڵگا كەلەدەرەوەی بازنەی فیكری ئێمەن.

پەیامی خوای گەورە بۆ ئێمە ئاوەدانكردنەوەی زەوییە، دەستەبەركردنی ئازادیی ئاینییەو دواتر ئازادیەكانی تر، دادپەروەری كۆمەڵایەتی‌و پاراستنی شكۆی بەرزی مرۆڤە، واتا ئەگەر كەسێك لەژێر سایەی ئاینەكەی ئێمەدا نەبوو ئەوە شكۆی وەكو مرۆڤێك ناسڕێتەوەو رێز لەبیرو بۆچوونی دەگیرێت‌و مافی سودمەندبوونی هەیە لەهەر پێدراوێكی سەر ڕووی زەوی، ئەركی ئێمەش بەرامبەری پاراستنی شكۆو مافەكانیەتی وەكو مرۆڤێك.

هیچ مانایەك نامێنێتەوە بۆ ئەو بانگەشەیەی كەئێمە داوا لەكەسێك بكەین پەیامی ئاشتی‌و برایەتی‌و سۆزو خۆشەویستی‌و مرۆڤدۆستی ئیسلاممان لێوەربگرن، ئەگەر لەكاتی رەتكردنەوەیدا هەرچی رق‌و توڕەییمانە بەسەریدا دابارێنین، یان كاتێك چاكەیەك بەرامبەر كەسێك دەكەین پێمانوابێت بەكردنی ئەو چاكەیە بەرامبەری پێویستە لەسەری لەڕووی ئاینی‌و سیاسیەوە پەیڕەوی لەبۆچوونەكانی ئێمە بكات‌و منەتی چاكەكەمانی پێ بفرۆشینەوە.

قورئان دەفەرموێت [ۆالْأَرْچَ ۆچَعَهَا لِلْأَنَامِ] ئاماژەی پێداوە كە زەوی بۆ هەموو كەسێك دروستكردووە، بۆهەموو بوونەوەرەكانی خۆی، نەك تەنها بۆ موسڵمانان، بۆیە ئەوەی ئەركی ئێمەیە رێزگرتنە لەفرەرەنگی ئەم سەرزەوییەو سودمەندبوونی یەكسان‌و دادپەروەرانەیە لەبەروبوومە مادی‌و مەعنەویەكانی‌و توانای ئێمەش لەوەدا دەردەكەوێت كەجیاوازییەكان كۆبكەینەوە نەك جیاوازیەكان زیاتر جیابكەینەوەو سنوری پۆڵاین لەنێوانیاندا دروستبكەین.

310 جار خوێندراوەتەوە
12/07/2018

هەموو وتارەکانی ئەم نوسەرە