Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

1

دیاری محه‌مه‌د


ئەگەر ئاینی پیرۆزی ئیسلام ئاینی رەحمەت و بەرەكەت بێت بۆ مرۆڤ و خۆشگوزەرانی و بەختەوەری و ئاسودەیی لەهەگبەدابێت، ئەوا جێگا نابێتەوە بۆئەوەی مرۆڤ بەهۆی ئەم ئاینەوە خۆی تووشی بێتاقەتی و توڕەیی و رەنگزەردی و مڕومۆچی و بێزاری بكات وەك سیمایەك بۆ بەهێزیی باوەڕەكەی، بەڵكو لەسیمای باوەڕدار بەپێی فەرمودەكانی سەروەرمان ئەوەیە هەمیشە دەم بە خەندە بێت، دڵخۆش و ئاسودە بێت، لەئیسلامدا بەپێی فەرمودەی پیرۆز گۆشەگیری (رەهبانیەت) نیە، هەر بەپێی فەرمودەی پیرۆز ئەو كەسانەی زۆر تێكەڵی خەڵك دەبن و هۆگر دەبن، لەرۆژی دواییدا لەنزیكانی پێغەمبەرن (درودو سڵاوی خوای لەسەربێت).

ژیان جوانە ئەگەر بەجوانی بۆی بڕوانین، گەشە ئەگەر بەگەشبینییەوە سەیری بكەین، هەلێكە بۆ باشتر ئەگەر بەشوێنی تاقیكردنەوە تەماشای بكەین، هەربۆیە بەهەندێك بیروبۆچوونی خۆمان كەتێكەڵ بەئاینی ئەكەین با لەخۆمانی تاڵ و ناخۆش و رەش نەكەین، هەندێك كەس پێیانوایە چەپڵەلێدان دروست نیە لەبەرئەوەی خۆیان كەسێتییان بەوجۆرەیە كەهەستی هاندانیان تێدا لاوازە، هەندێك حەزیان بەجۆرە یارییەك نیە، بەڵام دەڵێن حەرامە.
كاتێك كەسێك وتارێك یان وتەیەكی جوان پێشكەش دەكات لەكۆڕو كۆبوونەوەیەكدا، چی تێدایە كەبەچەیڵەیەك هان بدرێت، بێگومان هاندەرێكی زۆر گەورە دەبێت و لەڕووی دەروونیەوە بەهێزتری دەكات.

ئێمە وەكو موسڵمان لەمێژە زۆر شتمان لەخۆمان قەدەغەكردووە بەبێ‌ ئەوەی لێكدانەوەیەكی دروستمان هەبێت بۆیان كەسەرچاوەی لەرۆحی ئاینەكەمانەوە وەرگرتبێت، بەشێك لەئاینەكەمان بریتیە لەهاندان (تەرغیب)، ئیتر بۆ دەبێت خۆمان كۆتوبەند بكەین؟ّ! ئایا كاتێ‌ چەپڵەلێدانمان پێ‌ دروست نەبێت لەكۆڕێكدا، لەماڵیشەوە بەهەمان شێوە چەپڵە لێدانمان قەدەغە كردووە لەخۆمان؟ ئایا هەرگیز چەپڵەت بۆ منداڵەكەت لێنەداوە كاتێ‌ كارێكی باشی كردووە؟

مامۆستا (عەلی باپیر) كەزانایەكی دیارو بیرمەندێكی كوردستانی و جیهانیشە لەكتێبەكەیدا بەناوی (سرودو مۆسیقاو چەند بابەتێكی هونەری لەبەر رۆشنایی قورئان و سوننەتدا) بەباشی ئەو بابەتەی لەڕووی شەرعییەوە لێكداوەتەوەو وەڵامی ئەو بۆچوونانەی داوەتەوە كەپێیانوایە چەپڵەلێدان دروست نیە، هەربۆیە بائەو كۆت و بەندانە بشكێنین كەخۆمان بۆخۆمان دروستكردووە، چونكە بێگومان حەرامكردنی رەفتارێك لەخۆمان كە حەرام نیە، هیچی كەمتر نیە لەئەنجامدانی حەرامێك.

549 جار خوێندراوەتەوە
18/04/2018

هەموو وتارەکانی ئەم نوسەرە