داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
ژێرخان 10:10 شه‌و، ته‌نها رۆژانی شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان
بەیانی 4:27
نیوه‌ڕۆ 11:54
عه‌سر 2:59
ئێواره‌ 5:48
خه‌وتنان 6:58

شۆک! وەک هۆکارێکی سیاسی بۆ ڕامکردنی‌ گەڵان

محه‌مه‌د حه‌كیم


 
له‌ په‌نجاكانی‌ سه‌ده‌ی‌ بیستدا، دۆنالد ئیوین كامیرۆنی‌ كه‌نه‌دی‌ كە لە  نێوان سالەکانی‌ ( 1901-1967 ) ژیاوە ، پسپۆڕی‌ نه‌خۆشییه‌ ده‌روونییه‌كان گه‌یشته‌ ئه‌و ئه‌نجامه‌ی‌ كه‌ ده‌توانرێت كاریگه‌ری‌ وا له‌سه‌ر مرۆڤه‌كان دروست بكرێ كه‌ هه‌ر له‌ یه‌ك مرۆڤ وا بكه‌ی‌ مرۆڤێكی‌ جیاواز له‌ سۆز‌و هه‌ست دروست ببێت، واته‌ مرۆڤێكی‌ نوێ‌ بێته‌ ئاراوه‌، ئه‌مه‌ش به‌ گۆڕینی‌ بیرو ره‌وشت و هه‌سته‌كان، ئه‌و ده‌ڵێت: بیری‌ مرۆڤ بریتییه‌ له‌ بیره‌وه‌رییه‌كانی‌ پێشوو و هه‌ستپێكردنی‌ داهاتوو، بۆ دروستكردنی‌ مرۆڤه‌ نوێیه‌كه‌، ده‌بێ‌ مرۆڤه‌ كۆنه‌كه‌ نه‌هێڵین، وه‌كو لاپه‌ڕه‌یه‌كی‌ سپی‌ لێ‌ بێت و توشی‌ شۆكی بكه‌ین (صدمه‌) ، بۆیه‌ هات تاقیكردنه‌وه‌ی‌ له‌سه‌ر نه‌خۆشه‌كان كرد، به‌ لێدانی‌ كاره‌با‌و پێدانی‌ كه‌پسولی‌ بێهۆشكه‌ر، تاكو بیره‌وه‌رییه‌كانیان له‌ده‌ست بده‌ن و پاشان بۆ ئه‌وه‌ی‌ هه‌سته‌كانیان پەكبخه‌ن، له‌ شوێنی‌ زۆر تاریك و بێ‌ ده‌نگ، دایده‌نان تاكو هه‌ست به‌هیچ نه‌كه‌ن.

به‌ كورتی‌، بنچینه‌ی‌ بیردۆزەکە ئه‌وه‌یه‌ كه‌:" ئه‌گه‌ر ده‌ته‌وێت به‌رامبه‌ره‌كه‌ت ببێته‌ موڵكی‌ تۆ و به‌رنامه‌ و بیرۆكه‌كانت، ده‌بێت رووبەروی‌‌ شۆك و خورپه‌یه‌كی گه‌وره‌‌ بكرێتەوە، تاكو وای‌ لێ‌ بێت خۆی‌ به‌ده‌سته‌وه‌ بدات و گوێڕایه‌ڵت بێت"، دیاره‌ ئه‌م دكتۆره‌ پاڵپشتی‌ دارایی‌ له‌ CIA ئه‌مریكیه‌وه‌ بوو، ئه‌مریكاش له‌ به‌ندیخانه‌ی‌ (ابو غرێب، گوانتانامۆ) ئه‌م بیردۆزەیەی‌  جێ‌ به‌جێ‌ كرد.

دوای‌ ئه‌و ملیتۆن فریدمان كە لە نێوان ساڵەکانی‌ (1912- 2006 ) ژیاوە، پسپۆڕی‌ ئابووری‌ له‌ شیكاغۆی‌ ئه‌مریكاوه‌، بیری‌ له‌وه‌ كرده‌وه‌ كه‌ ئه‌م بیردۆزەیه‌ به‌سه‌ر گه‌لاندا جێ‌ به‌جێ‌ بكات، ئه‌مه‌ش بۆ ئه‌وه‌ی‌ كۆمپانیا كیشوه‌ربڕه‌كانی‌ ئه‌مریكا ده‌ست به‌سه‌ر ئابووری‌ وڵاتاندا بگرن، وه‌ له‌به‌ر ئه‌وه‌ی‌ گه‌له‌كان ڕازی‌ نین ئابووری‌‌ و ژیانیان به‌ده‌ست بێگانه‌وە بێت. ناچار ده‌بین توشی‌ شۆكیان بكه‌ین، تاكو هۆشیاری‌ له‌ده‌ست بده‌ن و ڕازی‌ بن به‌ واقعی‌ نوێ‌ .
 ئه‌م بیردۆزه‌یه‌ به‌سه‌ر تشیلی‌ دا  1973جێ‌ به‌جێ‌ كرا، له‌ زه‌مه‌نی‌ سه‌رۆك نیكسۆندا، له‌وێ‌ ڕژێمی‌ شیوعی‌ حوكمی‌ ده‌كرد، هه‌ستان پشتیوانی‌ كوده‌تای‌ سه‌ربازیانكرد و بارودۆخ تێكچوو نرخ به‌رزبوویه‌وه‌ و ڕاوڕووت دروست بوو و بێكاری‌ په‌ره‌ی‌ سه‌ند، دزی‌ و كوشتن و ڕفاندن بڵاوبوو، خه‌ڵكی توشی‌ ئیفلیجی‌ بیر و هۆش بوون و ئه‌یانوت چی‌ ڕویداوه‌ ؟ بۆ ڕویدا ؟ و چۆن ڕزگار بین؟ وتیان: رزگار بوون به‌ ئابووری‌ سه‌ربه‌خۆییه‌و ده‌وڵەت ده‌ست له‌ ئابووری‌ هه‌ڵگرێت و هه‌موو ڕازی‌ بوون و بیردۆزه‌ی‌ شۆك، سه‌ركه‌وتوو بوو، دواتر ئه‌م بیردۆزه‌یه‌ له‌ یه‌كێتی‌ سۆڤیه‌ت و ئه‌مریكای‌ باكور وبۆلەنداو ئیندونوسیا ، عێراقیش بە تایبەت ، تاقیكرایه‌وه‌ و جێ‌ به‌جێ‌ كرا، ئه‌وه‌ی‌ جێی‌ سه‌رنجە دۆناڵد ڕامسفێڵد، وه‌زیری‌ به‌رگری‌ پێشوو  قوتابی‌ ملیتۆن فریدمان بوە لە زانکۆ، بۆیه‌ له‌ زۆر شوێنی‌ جیهان به‌ عێراق و كوردستانیشه‌وه‌، ئێستا ئه‌م بیردۆزه‌ جێ‌ به‌جێ‌ ده‌كرێت به‌سه‌ر گه‌لاندا. 

كاتێك هه‌ستی‌ گه‌ل نامێنێت ‌و ناتوانێت تێیبگات چی‌ له‌ ده‌وری‌ ڕوو ده‌دات و هیچ ئومێد‌و چاره‌سه‌رێكی‌ گونجاو له‌ ئاسۆدا نابینێ‌ وتاكو له‌م واقعه‌ تاڵه‌ ڕزگاری‌ بێت، ئه‌وكات توشی‌ شۆك و سه‌دمه‌ دەکرێت و ئاماده‌ ساز ده‌بێت بۆ وه‌رگرتنی‌ هه‌ر چاره‌سه‌رێكی‌ ده‌ره‌كی‌ ئاماده‌كراو، كه‌ پێشتر قه‌ت ڕازی‌ نه‌بووه‌ كه‌ جێ به‌جێی‌ بكات.

كاتێ‌ گه‌ل به‌رز ده‌ڕوانێت وخەون وروانینی گەل له‌ به‌رژه‌وه‌ندی‌ دەسەڵات نابێت، گه‌ل توشی‌ شۆك ده‌كه‌ن، ئه‌وەی‌‌ خەونی‌ پێوه‌ دەبینێت،  هه‌ر له‌بیر ده‌چێت و بیری‌ لای‌ ئه‌وه‌ دەبێت کە تێیكه‌وتووە .. ته‌ماشا بكه‌ن له‌ كوردستان ئه‌وه‌نده‌ی‌ خەڵکی چاوی‌ له‌وه‌یه‌ مانگانە زوو روبعە موچه‌كه‌ بدرێت، چاوی‌ له‌ چاكبوونی‌ موچه‌كه‌یان  نیە چونکە کێشەکە ئـەوەیە روبعە موچەش مانگانە وەرناگیرێ.

 بروانە خەڵكی لە ١٧شوبات بۆ چاکسازی و دژایەتی گەندەڵی خۆپیشاندانیان کردو ناڕەزاییان دەربڕی و دڵییان بە پەرلەمان خۆشبوو ، كە پەرلەمان پەکخرا ئـیتر باسی پێشوو نەماو باسی خەڵكی بوو بە کاراکردنەوەی پەرلەمان، ئـەمەش چاکنەبوو دواتر موچە هاتە روبع ئیترباس ھاتە سەر روبعە موچە، ئێستا خەڵكی وای‌ لێهاتوە مەمنون بن روبعەکەش مانگانە بدرێت و ساڵیان لێ نەکرێتە ھەشت ودە مانگ .. ده‌ترسم دواجار گه‌لی‌ كوردستان، توشی‌ شۆكێکی گەورەتر بكرێت، تاكو به‌ بێ‌ په‌رله‌مانی‌ و بێ‌ مووچه‌یش مه‌منون بێ !

و كوردیش لە مێژە بیردۆزە کەی‌ خۆی  جوانتری‌ فه‌رمووه‌ "گرانه‌تای‌ پیشان بده‌، به‌ له‌ رزو تا شكوره‌".

3945 جار خوێندراوەتەوە
10/07/2017

هەموو وتارەکانی ئەم نوسەرە