داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
ژێرخان 10:10 شه‌و، ته‌نها رۆژانی شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان
بەیانی 4:27
نیوه‌ڕۆ 11:54
عه‌سر 2:59
ئێواره‌ 5:48
خه‌وتنان 6:58

دووقسە بۆ کۆمەڵەی قوربانیانی کیمیابارانی هەڵەبجەو وئەوانی تریش

عومه‌ر محه‌مه‌د

‌وەرگرین یان ببەخشین 
دووقسە بۆ کۆمەڵەی قوربانیانی کیمیابارانی هەڵەبجەو وئەوانی تریش  

ویستم لە بارەی خەڵاتی ڕێزلێنانەکەی هەڵەبجە، بێدەنگی هەڵبژێرم، بەڵام دوای ئەوەی دۆستان و هاوڕێیانم بەسەر سوڕمانەوە پەیوەنیان کردو هەندێکیان لەدور وڵاتەوە خەمیان بوو، پرسییان داخۆ بۆ منی تێدانیم و هەندێک نارەزایەتی نووسەرانم لەتۆڕی کۆمەڵایەتی فەیسبوک خوێندەوە، منیش پێمباشە دوو قسە بۆ کۆمەڵەی قوربانیانی کیمیابارانی هەڵەبجەو ئەو نووسەرانەش بکەم کە گللەییان لە کۆمەڵەکە هەیە.
 
بەشبەحاڵی خۆم ئەو شایەتیەیان بۆ دەدەم و سوپاسیان دەکەم، کە بەنامەی تایبەتی ئاگاداری نامەکەیان بۆ ناردم، تیایدا داوایان کردبوو هەرچی نووسین و کتێب و گۆڤارێکم هەیە، لەماوەی ئەوەندە رۆژدا بۆیان بنووسم و بۆیان بنێرم (بۆکاری پێویست)، بەڵام من وەڵامم نەدانەوە! چونکە تێگەیشتم مەبەستەکە چییە، هەرچەندە روونیان نەکردبووەوە کە (کارە پیویستەکەیان) چییەو ئەم زانیاریانەیان بۆچییە! بەڵام زانیم بۆ خەڵات بەخشینە، ئاخر خۆ من بۆ خەڵات نانووسم، بەڵکو بۆیە دەنووسم کە خەڵک بابەتەکانم بخوێنێتەوە، جا ئەگەر بزانم (کۆمەڵەیەکی تایبەت بە جینۆساید) هەتا ئێستا نەیزانیبێ من چیم کردووەو چیم نووسیووە؟ ئیدی بۆچی خەڵاتی لێوەربگرم؟ بۆچی گللەییم لە خەڵکێک هەبێت کە گرنگی بەو زانیاریانە نادات و نووسین و زانیاری لەبارەی ئەنفال وکیمیابارانەوە بۆ گرنگ نییە! من ئەوە بەسوک تەماشاکردنی خۆم دەزانم، بە ئیمایلێک کارەکانم رێزبکەم و پێیان بڵێم: ئەوە کاری چەند ساڵی منە، بەبێ ئەوەی بزانم بۆچی لێم داوادەکەن! پرسیار ئەوەیە کە کۆمەڵەیەک نەزانێ من چیم نووسیوەو چۆن نووسیومەو هەتا ئێستا ئاگای لەپەرێزی رەنج و ماندووبوونم نەبێت، حاڵی حازر کتیبەکەم لە بارەی گازباران و مەینەتی میللەتەکەمەوە ئێواران لەسەر شاشەی تەلەفزیون و لەهەندێک ماڵپەر پەخش بکرێت و ئەو ئاگای لێی نەبێت، ئیدی خەڵاتی ڕێزڵێنانەکەی چ بەهایەکی دەبێت؟ ئەرکی کۆمەڵەی قوربانیانە لە خۆی بپرسێت کارەکانی ئەو نووسەرە چەندن و چۆنن، هەتا شایانی رێزلێنانی ئەوان بێت؟ بۆ کۆمەڵەی قوربانیان ئەرکێتی بزانێت کێ چی لەبارەی کیمیابارانی هەڵەبجەوە نووسیوەو چۆنی نووسیوە.

دڵنیام کەسانێک نەک هەر بەدەنگ وەها بانگەوازێکەوە دەچن، بەڵکو زۆر بەمەمنونییەوە تەلەفۆنیشیان بۆ دەکەن و رەنگە خەڵکیشیان بەگژەوە بنێن روگیریشیان بکەن هەتا ناوی بخرێتە ناو لستی ریزلێنراوانەوە، بەڵام دەبێت دڵنیاش بن لەوەی هەموو کەس قایل نابێت بەو شێوەیە بەدەم بانگەوازیانەوە بچێت و پێویستی بێت بەوەها ڕێزلێنانێکیش نییە. 

قسەی دووەمم بۆ ئەو نوسەرانەیە کە گللەیی لە کۆمەڵەکە، یان خەڵات بەخشەکە دەکەن، بە بڕوای من ئەوەیان ناهەقییە، تەنها ئەوکاتە هەقی گللەییان هەیە کە بۆ خەڵات و ناوبانگ بنوسن و وەڵامی بانگەوازەکەیان دابێتەوەو کۆمەڵەکە بەئەنقەست فەرامۆشیان کردبێ. ئەو کەلەسەر بنەمای بانگەواز خەڵات ببەخشێ کەواتە (هاتن بۆهەمووانە) و ئەوە خۆتی ئاگات لێ نەبووەو دواکەوتوویت. 

دواقسەم بۆ هەموو لایەکە، خەڵاتی چی دەبەخشن وخەڵاتی چی وەردەگرن کە لە دوای ئەنفال و کیمیاباران هەرێمی کوردستان نەبووبێتە ئامێزێکی گەرم بۆ کەسوکاری قوربانیەکان و نەبووبێتە وێنەیەکی جوان کە هەموومان وەک یەک ڕێزلێگیراوبین و وەک یەک شانازی پیوە بکەین؟ خەڵاتی چی دەبەخشن وخەڵاتی چی وەردەگرن کە جەلادەکان هەزارجار لە قوربانیەکان شکۆدارترن.


515 جار خوێندراوەتەوە
15/03/2017

هەموو وتارەکانی ئەم نوسەرە